माया भनेकै मिलेर सिक्नु सिकाउनु हो..........

गजल
आफु हारेर पनि उसलाई जिताउनु हो।
माया भनेकै मिलेर सिक्नु सिकाउनु हो।

बचेपनि एकजना हुन्छ माया अजम्बरि,
पियेर बिश् पनि अंम्रित पिलाउनु हो।

हुन त हुन्छ साथी च्यातिने डर सधै,
फाटेपनि पटक पटक सिलाउनु हो।

खालि प्याला पिउनुमा मज्जा छैन केहि
अलिअलि नसा यादको मिलाउनु हो।

अस्तित्व उसको हो भने तिम्रो अन्त्य,
'ज्योतिपुन्ज' दियो अखिर निभाउनु हो।

आफु हारेर पनि उसलाई जिताउनु हो।
माया भनेकै मिलेर सिक्नु सिकाउनु हो।