गजल
बोली पटक- पटक फेर्ने धेरै भए।
सिमानामा हाम्रो घर घेर्ने धेरै भए।
नाच कठपुतली धागो अरु कसैको,
आफ्ना छोडी बैरीलाई टेर्ने धेरै भए।
कथा भित्रभित्रै आफ्नै गाउँ-सहरको,
लेख्नेबुझ्ने छैनन् कोही केर्ने धेरै भए।
मुखमा छ राम-राम बगलीमा छुरा,
एक्कासी पो अङ्गालोमा बेर्ने धेरै भए।
सुरु हुनुपर्ने तयारी अन्तिम युद्धको,
गर्ने भन्दा पनि आज हेर्ने धेरै भए।
बोली पटक- पटक फेर्ने धेरै भए।
सिमानामा हाम्रो घर घेर्ने धेरै भए।
No comments:
Post a Comment