पुछेकी छैनौ आँसु......................

गजल
पुछेकी छैनौ आँसु खसिरा'छ हेर।
घाऊ कति मुटुभित्र बसिरा'छ हेर।

न मरेको छु म न त छु जिउँदै,
घाँटीमा त्येहि पासो कसिरा'छ हेर।

कोसकोस जमेको छ बिस धोकाको
पलपल पिडाले यहाँ डसिरा'छ हेर।

बन्दैछ चित्र आज मेरो क्यानभासमा,
रगतको रङ्ग आफै धसिरा'छ हेर।

जालमा परेको छ अलौकिक सिकार,
'ज्योतिपुण्ज' एक्लैमात्र फसिरा'छ हेर।

पुछेकी छैनौ आँसु खसिरा'छ हेर।
घाऊ कति मुटुभित्र बसिरा'छ हेर।