पुजेर कसले हिँड्छ र देउता मनभित्रको................

गजल
आऊँदैन बिहान कहिल्यै राती हुन्छ यहाँ।
घामले धोका दिँदा पनि जाती हुन्छ यहाँ।

कति दिनु अझै दोश निर्दोश जिन्दगीलाई,
आफ्नै मन पनि अन्त्तर-घाती हुन्छ यहाँ।

पुजेर कसले हिँड्छ र देउता मनभित्रको,
पत्थरमुर्ति वरिपरि फुल पाती हुन्छ यहाँ।

होला कुनै चिनो अवस्य साईनो पिरतीको,
यादहरु मात्रै आखिर ताँती हुन्छ यहाँ।

बाचाकसम खाएजति पुरा गर्नु किन पर्यो?
झुटाझुटा आस्वासन सबै थाँती हुन्छ यहाँ।

आऊँदैन बिहान कहिल्यै राती हुन्छ यहाँ।
घामले धोका दिँदा पनि जाती हुन्छ यहाँ।