को हो मेरो हत्यारा............

गजल
बादलुलाई चिरेर घाम खोज्दैछु।
अचेल नयाँ नयाँ काम खोज्दैछु।

बस्थेँ म पहिला पापीहरुको शहरमा,
चोख्याउन आँफैलाई धाम खोज्दैछु।

कागज छ त्येसमा शब्द छैन केही,
नाम मात्र चिट्ठीलाई खाम खोज्दै छु।

मिल्छ कतातिर कुन्नि सित्तैमा आसुँ,
थप्नलाई अलिकती ,लाम खोज्दैछु।

लियेको मैले, उसको अग्निपरिछ्या,
कलियुगमा आफैँभित्र राम खोज्दैछु।

खबर पढेँ आज खुलेआम हत्या भो,
को हो मेरो हत्यारा नाम खोज्दैछु।

बादलुलाई चिरेर घाम खोज्दैछु।
अचेल नयाँ नयाँ काम खोज्दैछु।